O PSOE aceptou todos e cada un dos puntos marcados polos nacionalistas como liñas de actuación para este mandato

Maite Ferreiro sinalou que “é un feito significativo que coa investidura de mañá o concello de Lugo teña, por primeira vez na historia, a unha muller como alcaldesa”

Lugo, 12 de xuño 2015. Os ediles electos do BNG – AA, Rubén Arroxo e Maite Ferreiro, compareceron ante os medios de comunicación para dar conta das conversas mantidas con representantes do PSOE durante a mañá de hoxe. “O BNG – AA dará o seu apoio á investidura da candidata socialista á alcaldía” anunciou Rubén Arroxo. Arroxo explicou que o BNG – AA plantexou unha serie de compromisos que o partido socialista aceptou como liñas de actuación para este mandato no concello de Lugo.

Pola súa banda, Maite Ferreiro, manifestou que para o BNG – AA “é un feito significativo que coa investidura de mañá o concello de Lugo teña, por primeira vez na historia, a unha muller como alcaldesa”. Ferreiro engadiu que a xuntanza con representantes do PSOE “foi unha primeira toma de contacto na que se plantexaron unha serie de puntos para a investidura da candidata socialista e que serve de punto de partida para as conversas necesarias de cara ao pleno de organización”

Rubén Arroxo explicou os puntos marcados polo BNG – AA como condiciión para apoiar a investidura da alcaldesa socialista. Nun total de sete puntos os nacionalistas sintentizaron cales deben ser as liñas de actuación do futuro goberno municipal. Arroxo sinalou que “o concello de Lugo ten que servir ás persoas e non pode estar ao servizo dos partidos  políticos para dar negocio ás grandes empresas”.

Puntos de acordo propostos polo BNG – AA:

-          O goberno municipal de Lugo, ante conflictos laborais nos que se vexan afectadas empresas que traballen ou teñan relación co concello, defenderá os dereitos laborais dos traballadores e traballadoras obrigando ás empresas a responder dos perxuizos que puidera causar ao concello de Lugo.

-          Estableceranse políticas activas e de prevención contra a violencia de xénero e artellaranse mecanismos para a proteción das vítimas.

-          Non se vetará a participación e intervención de colectivos e entidades que, en tempo e forma, soliciten presentar iniciativas ante os diferentes órganos municipais.

-          O concello de Lugo terá como obxectivo primordial defender o seu territorio e aos seus veciños e veciñas e aplicarase toda a normativa vixente e os medios dos que dispoña o goberno municipal para evitar atentados urbanísticos, paisaxísticos e medioambientais.

-          Aplicaráse unha política fiscal progresiva para que pague máis quen máis ten e os servizos municipais revisarán a aplicación das exencións de pagamento de impostos municipais das que disfrutan entidades e institucións como é o caso da igrexa.

-          Artellarase un plan de atención aos barrios de ás parroquias ruraris do concello para achegar, na medida do posible, os servizos e dotacións a todos os veciños e veciñas por igual.

-          Os servizos sociais estarán ao servizo das persoas que os precisen e traballarase para eliminar as barreiras burocrático-administrativas que inviabilizan a accesibilidade aos servizos sociais municipais de moitas persoas.