Paz Abraira dixo que “é o momento de que se reparen os danos feitos polas chuvias durante estes meses para evitar que se continúe a deteriorar o estado das zonas de paseo”

Ademais os nacionalistas esixiron que o control do acceso de vehículos á zona do parque do Miño

Lugo, 10 de marzo, 2014. A voceira do BNG, Paz Abraira, demandoulle ao goberno municipal que se proceda a acondicionar as zonas de transito do paseo do Miño. Abraira sinalou que “é normal que despois dun tempada de con tantas precipitacións os camiños do parque se deterioren, pero consideramos que o goberno municipal debe acometer o seu arranxo para evitar un maior deterioro”. Son moitas as persoas que, a partir de agora, utilizarán esta área como zona de esparcemento e para o BNG “compre que se acondicionen os viaís e sendeiros que están totalmente deteriorados polo paso de vehículos”.

Ademais, dende o BNG, solicitaron que se controle o acceso á zona xa que “está claro que maior parte dos danos están provocados pola circulación de vehículos”. Segundo

Paz Abraira “está claro que hai servizos como o de mantemento e atención aos servizos públicos que precisan acceder cos seus propios vehículos pero debemos de tratar que esto se minimice ao máximo”. Veciños e veciñas poden comprobar o actual estado desta zona de esparcimento da cidade e a necesidade de que se acomentan as actuacións necesarias para a súa conservación.