A concelleira Paz Abraira denunciou que o balado que protexía aos viandantes está destrozado desde hai mais de quince días

O medre indiscriminado de maleza nas rúas da cidade tamén foi obxecto de crítica da concelleira nacionalista

LUGO, 05 de xullo de 2013.

 A concelleira do BNG no Concellode Lugo,PazAbraira, en rolda de prensa realizada na mesma Rúa Castelao, reclamou hoxe ao Concellode Lugo unhasolución urxente para o edificio declarado en ruína desta mesma rúa. No seu momento o Concello colocou un balado de madeira para garantir un espazo de protección para os usuarios da rúa, nembargantes a concelleira reclamou para esta e outras casas da cidade unha rápida solución, xa que “non é de recibo que non se estean a dar pasos para solucionar definitivamente estas situacións, que supoñen un claro perigo para os usuarios”, recalcou.

“Na actualidade o estado que presenta esta céntrica rúa luguesa é lamentable” dixoPaz Abraira, cunha grande acumulación de lixo e maleza. Así mesmo, o actual balado de protección leva máis de quince días destrozado o que incrementa o perigo para peóns e vehículos.

Maleza e herbas nas rúas da cidade

Paz Abrairautilizou esta mesma rúa como exemplo da deixadez do Concellode Lugo nomantemento e coidado das vías municipais, amosando como entre as casas e a beirarrúa e a mesma beirarrúa e a calzada medran indiscriminadamente herbas e maleza. “Esto ocurre nunha centrica rúa da cidade, pero desde o BNG temos constatado que nos barrios a situación é moito peor”. A edila reclamou ao Concello que se poña a traballar de inmediato, xa que ademais do efecto estético supón un incremento do deterioro dos espazos públicos cuxo conste de amaño é moito máis que o do propio mantemento.