“EXISTEN SOLUCIÓNS TÉCNICAS PARA MELLORAR A ACCESIBILIDADE NESTE CONCELLO"

“EXISTEN SOLUCIÓNS TÉCNICAS PARA MELLORAR A ACCESIBILIDADE NESTE CONCELLO"

IMG_9000Arroxo sinalou que “en Lugo hai moitos colectivos que precisan de locais e o PP permítese ter pechados edificios como o da Residencia e decir, agora, que non cumpre as condicións”

“Coñecer as realidades dos nosos veciños é importante para que Lugo funcione” o candidato do BNG – Asambleas Abertas escoitou as propostas de directivos de ASORLU

Lugo, 16 de abril de 2015. O candidato do BNG – AA, Rubén Arroxo, e a número dous da candidatura, Maite Ferreiro, visitaron hoxe a sede da asociación ASORLU onde mantiveron unha xuntanza con membros da directiva deste colectivo de persoas xordas de Lugo. Rubén Arroxo sinalou que “é evidente a necesidade de manter un contacto constante cos colectivos de persoas que teñen capacidades diferentes para afrontar todas esas pequenas cousas que para nos pasan desapercibidas e para elas constitúen auténticas barreiras”. Unha das demandas deste colectivo é a necesidade de contar con locais axeitados.

Arroxo sinalou que “en Lugo hai moitos colectivos que precisan de locais públicos para desenvolver a súa actividade e o PP permítese ter pechados edificios como o da Residencia e decir agora que non cumpre as condicións”. Rubén Arroxo criticou duramente a actitude do PP tras a declaracións da Conselleira de Sanidade que “unha vez máis arremete contra Lugo, onde xa foi declarada persoas non grata, e ampara unha decisión política nos informes técnicos”. Arroxo engadiu que “Castiñeira e a Conselleira parece que nos queren enganar xogando ao poli bon e poli malo pero as decisións son do partido popular”

O candidato do BNG – Asambleas Abertas, Rubén Arroxo, destacou o funcionamento deste colectivo social que leva 40 anos traballando no concello de Lugo e dixo que “coñecer as realidades dos nosos veciños e veciñas é importante para que Lugo funcione”. Dende a candidatura do BNG – Asambleas Abertas destacaron que é necesario contar coa opinión á hora de acometer calquera proxecto municipal por que “hoxe comprobamos que as pequenas cousas son as máis importantes non día a día das persoas que teñen algún tipo de limitación”. “Na actualidade existen solucións técnicas para salvar as deficiencias de accesibilidade que aínda ten este concello” afirmou Arroxo.

“EXISTEN SOLUCIÓNS TÉCNICAS PARA MELLORAR A ACCESIBILIDADE NESTE CONCELLO"