CORREOS SUPRIMIRÁ, EN LUGO, TRES PRAZAS DE CARTERÍA E ESTO IMPEDIRÁ QUE SE POIDAN FACER OS REPARTOS DIARIOS AOS DOMICILIOS

O BNG demandará no pleno que se manteña o número de carteiro@s que presta servizo no concello

Rubén Arroxo lembrou que nos últimos dende o ano 2011 desapareceron un total de 119 postos de traballo de cartería na provincia de Lugo

O BNG demandará no pleno que se manteña o número de carteiro@s que presta servizo no concello

Lugo, 14 de febreiro 2018. Ediles do BNG presentaron hoxe, xunto con representantes sindicais da CIG en correos, a iniciativa que levarán ao Pleno do Concello para instar ao mantemento dos postos de traballo que se van suprimir no servizo de cartería no concello de Lugo. A iniciativa será levada pola vía de urxencia á próxima sesión plenaria do concello de Lugo, “entendemos que o concello, e a corporación, debe defender os servizos públicos dos que disfrutan as veciñas e veciños que nos elixiron para representalos” afirmou Rubén Arroxo. Segundo as previsións de Correos, o número de efectivos para facer os repartos de correspondencia postal quedará reducido a 44 contra os 47 actuais.

Pola súa banda o representante da CIG en Correos, John Vivanco, explicou que “a realidade é que este número de 47 carteiros só tivo efecto sobre opapel, pois a Unidade de Reparto de Lugo tivo unha media de entre sete e seis recargos diarios, é dicir, seis ou sete carteir@s menos cada día pois non se cubriron nunca as baixas, permisos, xubilacións, etc...”. Agora con este novo recorte quedarán para prestar o servizo, sobre o papel, 44 carteir@s, pero se seguen mantendo a mesma política laboral o número efectivo será de 38 persoas no mellor dos casos

Na cidade de Lugo existe un censo de 89.989 habitantes e unhas 55.023 vivendas aproximadamente. Segundo estes datos cada carteir@ tería que atender, a partir de agora, 1.447 vivendas con 2.368 habitantes de media. Segundo John Vivanco “estas cifras , moi por enriba da media europea, farían imposible un reparto diario de luns a venres” e engadiu “a Lei 43/2010 do Servizo Postal Universal esixe o cumprimento deste reparto diario durante os día laborables da semana”.

Na provincia de Lugo pasouse de 569 traballadores no ano 2007 a 417 na actualidade o que supón un perda de 151 postos de traballo no servizo de Correos. Nos últimos tempos co incremento do comercio electrónico e a expansión industrial no polígono das Gándaras o transito de correo postal incrementouse considerablemente no concello de Lugo mentres os efectivos da empresa pública merman cada ano. O descenso máis espectacular produciuse entre 2011 e 2017 cando foron 119 o número de postos de traballo que desapareceron, en Correos, na provincia lucense. Arroxo lembrou que o BNG xa ten presentado diferentes iniciativas no propio concello, no Parlamento Galego e no Congreso dos Deputados para que se garanta un servizo de correos acorde ás necesidades do territorio lucense en galego.