O ESPAZO INFANTIL FOI ACONDICIONADO RECENTEMENTE NA PRAZA DE ABASTOS PERO PERMANECE PECHADO E SEN USO DENDE O NADAL

O BNG propón a apertura do espazo infantil da pza. de Abastos que permanece pechado

IMG_8346

“Unicamente funcionou durante o nadal e podería abrirse os sábados pola mañá para contribuír a dinamizar o centro” dixo Rubén Arroxo

O BNG propón a apertura do espazo infantil da pza. de Abastos que permanece pechado

Lugo, 16 de febreiro de 2019. O candidato do BNG á alcaldía de Lugo, Rubén Arroxo,  avanzou que lle proporá ao goberno municipal a apertura e posta en funcionamento do espazo infantil da praza de Abastos. Este espazo foi creado a finais do ano pasado, funcionou durante o nadal, pechouse e non se volveu facer nada nesta zona infantil.

Rubén Arroxo lamentou que non se aproveite esta infraestrutura municipal para axudar a revitalizar o centro da cidade, o propio mercado e a praza de Abastos“moitas nenas e nenos poderían disfrutar deste espazo infantil mentres os pais e nais fan as compras no casco histórico”.

A proposta do BNG por poñelo en funcionamento nas mañás do sábado por que “son días nos que hai actividade económica e permitiría conciliar mellor a vida familiar coas compras e incluso co traballo dalgunhas persoas que traballan no centro e non teñen onde deixar as crianzas durante a xornada laboral”.

O BNG propón a apertura do espazo infantil da pza. de Abastos que permanece pechado