Lugo, 24 de febreiro 2016. O voceiro do BNG – Asembleas Abertas no concello de Lugo, Rubén Arrox, denunciou o mal estado de moitas das estruturas de madeira situadas no paseo do Miño e do río Rato. Ediles do BNG no concello de Lugo e os Deputados na Deputación do BNG visitaron as pasarelas que levan máis dun ano destrozadas sen que se fixera nada. Durante a visita, os representantes do BNG recolleran queixas de usuarios da zona que, ademais da reposición das pasarelas, reclamaron melloras no mantemento e na limpeza .

Arroxo dixo que “ademais de facer o mantemento necesario nos camiños e no seu entorno hai que acometer o arranxo das estruturas de madeira”. Rubén Arroxo sinalou que, nalgúns casos, haberá que substituír algunhas destas infraestruturas xa que, ou ben desapareceron ou, o seu estado non permite o arranxo. O BNG trasladará esta petición tanto á Deputación como ao Concello para que se dea solución a esta demanda de moitos lucenses que son usuarios desta zona.

Rubén Arroxo dixo que “co bo tempo vaise incrementar o número de usuarios destes espazos de lecer e débense poñer a punto as infraestruturas que se estragaron”. “Hai pontes que levan moito tempo desmotadas e que deixaron camiños incomunicados, noutros casos trátase de arranxos máis simples” informou o edil nacionalista. Para o BNG “o mantemento e coidado dos camiños e do seu entorno é fundamental para que poidan se usados e disfrutados polas persoas que a eles se achegan”.