25 PERSOAS E 6 SUPLENTES FORMAN A ÚNICA CANDIDATURA QUE SE PRESENTA PARA RENOVAR O CONSELLO COMARCAL QUE É O ÓRGANO DE DIRECCIÓN DO BNG NA COMARCA DE LUGO

O BNG renova os órganos comarcais de dirección tras a celebración da asemblea nacional

“Buscamos a continuidade para avanzar no proceso de renovación do BNG que se definiu na pasada Asemble Nacional” dixo Bernardo Valdes, nomeado responsable comarcal

Director 07 abr. 2017 - 16:47

bng nacional da celebración renova órganos

Lugo, 6 de abril de 2017. O BNG celebrou a asemblea comarcal na que se elixiron as persoas que formarán parte do Consello Comarcal e da Executiva do BNG na comarca de Lugo-Centro. Estes son os órganos de dirección do BNG nesta comarca que abarca un total de 37 concellos lucenses. Os integrantes deste novo Consello Comarcal do BNG afrontan esta nova etapa con moita ilusión e gañas de traballar a prol desta organización, pero sobre todo "en beneficio da sociedade e facer fronte aos problemas que ten que afrontar o pobo galego", aseguran.

O novo responsable comarcal afirmou coñecer perfectamente o reto "que supón relanzar o proxecto nacionalista nesta comarca, co denominado Proceso Adiante", proceso de refundación do BNG que a militancia aprobou e decidiu pór en marcha na última Asemblea Nacional. Nesta lista paritaria formada por homes e mulleres están representadas as diferentes zonas da comarca por representantes con diferentes responsabilidades nas localidades e nas institucións municipais.

O número de membros de escolla directa na Asemblea para formar parte do novo Consello Comarcal é de 25 persoas ás que, posteriormente incorporarase o/a representante designado por Galiza Nova, os/as Responsábeis Locais e a/o responsábel e a/o viceresponsábel da subcomarca de Sarria. As 10 primeiras persoas que conforman á lista da candidatura formarán a Executiva Comarcal.

CANDIDATURA AO CONSELLO COMARCAL DE LUGO

1. Bernardo Valdês Paços Lugo

2. Digna Lagarón Doval Castro de Rei

3. Efrén Castro Caloto Sarria

4. Maria Rodríguez Seijas Guntín

5. Xesús Méndez Rodríguez Lugo

6. Maite Ferreiro Tallón Lugo

7. Mario Outeiro Iglesias O Corgo

8. Esther López Rodríguez Lugo

9. Iván Sangiao Darriba Rábade

10. Xosé Manuel Becerra Pardo Baralla

11. Sabela Pérez Martínez Becerreá