Imprimir

O BNG de Castro de Rei propón medidas para frear os efectos económicos e sociais producidos polo coronavirus

bnglugocentro | 17 de abril de 2020

Digna Lagarón, arquivo
Digna Lagarón, arquivo

A voceira do BNG, Digna Lagarón, suxire ao goberno municipal pór medidas fiscais e sociais

Castro de Rei, 17 de abril de 2020.- A voceira do BNG en Castro de Rei, Digna Lagarón, suxeriu á alcaldía a vontade que a organización nacionalista ten en pór medidas para paliar os efectos económicos e sociais desta crise sanitaria.

O bloque de Castro de Rei resalta que o COVID-19 xa está a deixar efectos económicos e sociais tanxibles en moitas familias, sobre todo aquelas formadas por traballadoras e traballadores - empregados ou autónomos- de sectores que agora a súa actividade está fechada, como por exemplo o comercio ou a hostalería.

Estas medidas de carácter fiscal perseguen xerar tranquilidade e seguridade, as que a través de moratorias de impostos relacionados co pagamento de taxas e impostos municipais, como son o imposto de circulación de vehículos como o imposto de bens inmobles (IBI). Tamén a anulación de aqueles recibos de auga, lixo e saneamento para colectivos que por mor da crise sanitaria tiveran que fechar os seus negocios.

Digna Lagarón declarou “ o goberno municipal de Castro de Rei posúe ferramentas para aplicar este tipo de medidas, as que cremos que son xa necesarias para a nosa veciñanza” ao que a voceira resaltou “dende o Concello, todas as que temos responsabilidades políticas temos que sumar para poñer freo aos efectos desta crise”

Neste sentido, o BNG de Castro de Rei insta ao goberno municipal axir as ferramentas que existen en canto ao adianto destas partidas económicas que a Deputación de Lugo fixo público.

Podes ver este artigo na próxima dirección /articulo/novas/bng-castro-rei-propon-medidas-frear-efectos-economicos-sociais-producidos-polo-coronavirus/20200417122127007906.html


© 2020 Comarca de Lugo Centro

Bloque Nacionalista Galego - Sede Nacional

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: 981555850
Correo: sedenacional@bng.gal

Bloque Nacionalista Galego - Sede comarcal 

Rúa Miguel de Cervantes, 34, 1º Entresollado
27003  Lugo (GALIZA)
Teléfono: 982280410
Correo: lugocentro@bng.gal