Imprimir

Rubén Arroxo presentou unha APP que permite facer aportacións ao programa do BNG

bnglugocentro | 22 de xaneiro de 2019

“Con esta aplicación para dispositivos móbiles, calquera persoa poderá achegar ideas e proposta para o noso programa de goberno” dixo Arroxo

Lugo, 22 de xaneiro 2019. O BNG de Lugo presentou hoxe unha aplicación para dispositivos móbiles. “Con esta aplicación para dispositivos móbiles, calquera persoa poderá achegar ideas e proposta para o noso programa de goberno” dixo Arroxo. Na presentación participaron Alexandre Penas, como número 3 da candidatura do BNG e Alfredo Gómez creador da aplicación. A aplicación xa se pode descargar dende o Play Store e tamén se poderán facer achegas a través das redes sociais do BNG de Lugo.

Arroxo sinalou que “a aposta do BNG é estar onde está a sociedade actual e por iso abrimos foros de participación nas redes sociais e a través das aplicacións para móbiles”. A descarga da aplicación é completamente gratuíta e pódese facer escaneando o código QR que se publicará nas redes sociais do BNG ou ben poñendo as palabras BNG Lugo no Play Store.

“Teremos en conta todas as propostas que recibimos e incluiremos no noso programa de goberno aquelas que sexan coincidentes co noso modelo de concello” explicou Arroxo. Está aplicación únese, como ferramenta de comunicación, ás redes sociais que o BNG de Lugo xa ten posto en marcha en Faebook, Twitter e Instagram. Arroxo anunciou que en vindeiras semanas convocaranse unha serie de comisións sectoriais abertas nas que tamén se poderán facer achegas para o programa do BNG.

Podes ver este artigo na próxima dirección /articulo/novas/bng-leva-ao-parlamento-galego-peche-do-laboratorio-saude-publica-galiza-lugo/20190122130134007001.html


© 2019 Comarca de Lugo Centro

Bloque Nacionalista Galego

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: +34981555850
Correo: sedenacional@bng.gal