“AÍNDA EXISTEN PANEIS PUBLICITARIOS QUE ANUNCIAN LOCAIS NOS QUE SE MERCADEA CO CORPO DA MULLER” AFIRMA MAITE FERREIRO

O BNG pide que se avance na ordenanza de publicidade

panel publicitario
panel publicitario

Lugo, 11 de agosto 2017. A edil do BNG en Lugo, Maite Ferreiro, volveu lembrar a necesidade de dotar ao concello dunha ordenanza de publicidade, para que entre outras cousas, o concello teña unha ferramenta para poder impedir a instalación de carteis que denigran a imaxe da muller. A concelleira do BNG lembrou que tanto o pleno do concello coma o foro de igualdade xa se pronunciaron sobre este tema grazas a iniciativas que o BNG (o BNG levou a pleno unha proposición no 2013 que foi aprobada) trasladou, e o que hai que facer está claro, o goberno municipal ten que poñerse a traballar para elaborar a ordenanza municipal de publicidade sen máis retrasos.

No ano 2013 o pleno do concello xa aprobou, a iniciativa do BNG, unha moción na que se propoñía a creación dunha Ordenanza reguladora da publicidade na que se establezan os mecanismos necesarios para que non se poida denigrar a imaxe da muller, nin empregala como reclamo publicitario en vía pública nin en espazos privados que se observen desde a mesma. Esta cuestión tamén foi trasladada e aprobada no foro de igualdade no mes de agosto de 2013.

A edil do BNG lembrou que en xaneiro deste ano se publicou no BOP o anuncio da consulta pública previo á ordenanza de publicidade exterior “malia que xa se avanzaron pasos hai 7 meses, hoxe continua sen finalizarse, polo que lle pedimos á concelleira responsable da área de igualdade, unha maior seriedade ao respecto”. O BNG lembrou que a súa formación instalou no mes de maio deste mesmo ano un panel publicitario nunha valla no que cuestionaba precisamente o uso da explotación das mulleres para fins publicitarios.

O BNG pide que se avance na ordenanza de publicidade
O BNG pide que se avance na ordenanza de publicidade