Imprimir

O BNG propón a creación dunha brigada de limpeza para as zonas periféricas da cidade

bnglugocentro | 16 de xaneiro de 2019

Arroxo explicou que “a Xunta acaba de abrir unha convocatoria para os concellos na que se subvenciona a contratación de persoas desempregadas”

Lugo, 16 de xaneiro de 2019. O voceiro do BNG no concello de Lugo, Rubén Arroxo, propuxo a creación dunha brigada de limpeza municipal para zonas periféricas da cidade. Arroxo explicou que “a Xunta acaba de abrir unha convocatoria para os concellos  (https://www.xunta.gal/dog/Publicados/2019/20190109/AnuncioG0424-201218-0003_gl.html ) na que se subvenciona a contratación de persoas desempregadas” e animou á alcaldesa a solicitar estas axudas para a creación dunha brigada municipal que se encargue de mellorar a limpeza no entorno da cidade.

Arroxo puxo como exemplo a cantidade de lixo que se acumula na av. Infanta Elena, na zona dos centros comerciais “se o concello contara cunha brigada de 5 ou 6 persoas, poderían adicarse cada semana a unha zona da periferia e Lugo tería outro aspecto moi diferente”. Arroxo referiuse á cantidade de lixo que se acumula na mediana de avenidas, nos polígonos industriais, e nalgúns barrios da cidade.

O voceiro do BNG e candidato á alcaldía referiuse á necesidade de “ir remunicipalizando o servizo de limpeza, unha vez que a alcaldesa non  é capaz de renovar o contrato” e sinalou “sería un primeiro paso para que o concello teña unha brigada propia que complemente o traballo da empresa de limpeza pero sen depender de esta”. Arroxo lembrou que en xuño de 2016 xa se aprobou en pleno unha iniciativa do BNG para avanzar na remunicipalización do servizo de limpeza,.

Podes ver este artigo na próxima dirección /articulo/novas/bng-propon-creacion-dunha-brigada-limpeza-zonas-perifericas-da-cidade/20190116095633006992.html


© 2019 Comarca de Lugo Centro

Bloque Nacionalista Galego

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: +34981555850
Correo: sedenacional@bng.gal