Imprimir

O BNG proporá no Pleno a sinalización de zonas de convivencia para cans en parques da cidade

Director | 06 de febreiro de 2019

Rubén Arroxo “os caniles que ten o concello son insuficientes e dun tamaño moi reducido, apostamos por espazos abertos debidamente sinalizados”

Lugo, 6 de febreiro de 2019. O voceiro do BNG no concello de Lugo e candidato á alcaldía, Rubén Arroxo, presentou hoxe a iniciativa que levará ao Pleno da Corporación para sinalizar e identificar como “espazos abertos de convivencia para cans”. Arroxo explicou “esta foi unha das propostas que recibimos nunha das comisións abertas que estamos celebrando estes días e entendemos que é razoable e factible”. Persoas propietarias de cans acompañaron a Rubén Arroxo na presentación da iniciativa.

Rubén Arroxo explicou que “Lugo xa conta con varios caniles na cidade, pero son espazos insuficientes, dun tamaño moi reducido e pechados” e engadiu “temos que apostar por espazos de convivencia onde os cans poidan disfrutar de zonas abertas”. A proposta do BNG pasa por sinalizar e identificar como “espazos abertos de convivencia para cans” nos que “igualmente estén contralados e vixiados polas persoas propietarias, pero nos que poidan estar libres e non sexa sancionable este feito”.

Arroxo propón, como exemplo, un total de 5 espazos situados en parques periféricos en diferentes puntos da cidade “a idea é que a xente non teña que cruzar a cidade para accedere a unha desta zonas de convivencia”. Entre as propostas posibles están: o parque da facultade de veterinaria, na zona do anfiteatro; o parque de Paradai, na zona próxima a Alcalde Pedáneo Xoan Diego; unha zona do parque do Miño, xunto ao Pazo de Feiras; unha zona do parque situado a carón do instituto de Casás e, tamén, un espazo no parque dos Paxariños.

Podes ver este artigo na próxima dirección /articulo/novas/bng-propora-pleno-sinalizacion-zonas-convivencia-cans-parques-da-cidade/20190206124130007041.html


© 2020 Comarca de Lugo Centro

Bloque Nacionalista Galego - Sede Nacional

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: 981555850
Correo: sedenacional@bng.gal

Bloque Nacionalista Galego - Sede comarcal 

Rúa Miguel de Cervantes, 34, 1º Entresollado
27003  Lugo (GALIZA)
Teléfono: 982280410
Correo: lugocentro@bng.gal