Imprimir

O BNG reunirase co persoal da Banda de Música e coa Directiva da Asociación de Usuarios da Escola de Música

Director | 22 de outubro de 2018

“Queremos coñecer a opinión e propostas das persoas que son directamente afectadas pola sentencia e que non se están tendo en conta” dixo Rubén Arroxo

Lugo, 22 de outubro de 2018. Ediles do BNG manterán esta semana xuntanzas co persoal da Banda de Música e coa Directiva da Asociación de Usuarios da Escola de Música. “Queremos coñecer a opinión e propostas das persoas que son directamente afectadas pola sentencia e que non se están tendo en conta” dixo Rubén Arroxo. Arroxo lembrou que Escola Municipal de Música foi posta en marcha no ano 2012 cando o BNG tiña responsabilidades de goberno e no momento da posta en marcha “houbo un acordo unánime das forzas políticas e sindicais para que a Escola empezase a funcionar”.

Arroxo lembrou que “o BNG sempre apostou por unha modificación parcial da RPT para dar saída á actual situación que pon en perigo a continuidade da Escola Muncipal de Música e dos postos de traballo dos docentes que tamén forman parte da Banda de Música”. Rubén Arroxo sinalou que “está claro que o goberno municipal ten que ter a valentía política suficiente para dar este paso e garantir a continuidade da Escola de Municipal de Música como o servizo público que é neste momento”.

Dende o BNG xa se avanzou que “non imos permitir unha privatización da Escola de Música”. Arroxo advertiu “estaremos moi atentos a todos os pasos que se dan dende o goberno municipal, e entendemos que non se pode ir cara a privatización da Escola que foi, ata agora, exemplo de funcionamento do que debe ser un servizo público municipal”.

Podes ver este artigo na próxima dirección /articulo/novas/bng-reunirase-co-persoal-da-banda-musica-coa-directiva-da-asociacion-usuarios-da-escola-musica/20181022125348006875.html


© 2020 Comarca de Lugo Centro

Bloque Nacionalista Galego - Sede Nacional

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: 981555850
Correo: sedenacional@bng.gal

Bloque Nacionalista Galego - Sede comarcal 

Rúa Miguel de Cervantes, 34, 1º Entresollado
27003  Lugo (GALIZA)
Teléfono: 982280410
Correo: lugocentro@bng.gal