Imprimir

Comezan as restauracións das placas dos escritores da praza Maior e da rúa Bispo Aguirre

Director | 03 de setembro de 2019

Maite Ferreiro: “é unha intervención de mínimo custo para o concello, que mellora considerablemente a estética da zona máis céntrica da cidade”

 

 

Lugo, 17 de xullo de 2019. A Concelleira de Cultura, Turismo e Promoción da Lingua, Maite Ferreiro, anunciou que xa comezaron os traballos de restauración das placas adicadas a escritores da praza Maior e da rúa Bispo Aguirre. Ferreiro explicou que “debido ás limpezas borráranse parte dos textos”.

 

As placas adicadas a escritoras e escritores que están situadas na praza Maior e na rúa Bispo Aguirre están a ser restauradas dos danos polo vandalismo, e estanse a repintar as letras do texto literario que conteñen. As 9 placas, colocadas sobre 7 soportes de granito, están adicadas a: Manuel María, Afonso Daniel Rodríguez Castelao, Rosalía de Castro, Ramón María de Valle-Inclán, Eduardo Pondal, Ramón Otero Pedrayo, Uxio Novoneyra, Álvaro Cunqueiro e Manuel Curros Enrriquez.

 

Segundo Ferreiro, “o correcto mantemento destes elementos ornamentais de contido cultural e identitario, forma parte da imaxe da cidade por estar situadas na zona máis concorrida e visitada de Lugo”. Segundo Maite Ferreiro “é unha intervención de mínimo custo para o concello, que mellora considerablemente a estética da zona máis céntrica da cidade e que pon en valor ás persoas que representan a nosa cultura e á nosa identidade como povo”.

Podes ver este artigo na próxima dirección /articulo/novas/comezan-restauracions-das-placas-escritores-da-praza-maior-da-rua-bispo-aguirre/20190903084152007345.html


© 2020 Comarca de Lugo Centro

Bloque Nacionalista Galego - Sede Nacional

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: 981555850
Correo: sedenacional@bng.gal

Bloque Nacionalista Galego - Sede comarcal 

Rúa Miguel de Cervantes, 34, 1º Entresollado
27003  Lugo (GALIZA)
Teléfono: 982280410
Correo: lugocentro@bng.gal