A concellería de Infraestruturas acondiciona a beirarrúa da praza Conde Fontao

Trátase dunha actuación de baixo custo que leva moito tempo sendo reclamada pola veciñanza da zona

Alexandre Penas visitou a zona e comprobou a correcta execución dos traballos

A concellería de Infraestruturas acondiciona a beirarrúa da praza Conde Fontao

Lugo, 03 de marzo de 2020. A concellería de Infraestruturas Urbanas está a levar a cabo o acondicionamento nestes días da beirarrúa da praza Conde Fontao. Alexandre Penas visitou o desenvolvemento da actuación durante a mañá de hoxe. “Trátase de darlle continuidade a unha beirarrúa que levaba moitos anos a medio facer, o que provocaba moitos problemas de mobilidade á veciñanza”, indicou Alexandre Penas.

Realizarase unha renovación completa do pavimento da beirarrúa, o que permitirá mellorar o acceso a unha das zonas máis transitadas do leste da cidade. Trátase dunha actuación de baixo orzamento que leva moito tempo sendo reclamada pola veciñanza da contorna polos problemas de mobilidade e accesibilidade que producía. Dende a concellería de Infraestruturas Urbanas continúase a actuar nas zonas menos atendidas nos últimos anos, co obxectivo de mellorar a calidade de vida e o entorno das veciñas e veciños de toda a cidade.

A concellería de Infraestruturas acondiciona a beirarrúa da praza Conde Fontao