Imprimir

“As institucións teñen que estar ao servizo das iniciativas culturais e non ao revés” dixo Maite Ferreiro

bnglugocentro | 20 de xuño de 2019

Ferreiro afirmou “queremos recibir propostas e escoitar a todas as persoas que teñen cousas que decir no mundo da cultura, en Lugo son moitas”

Lugo, 20 de xuño de 2019. A edil electa do BNG, Maite Ferreiro, asumirá a responsabilidade de goberno na Área de Cultura, Turismo e Promoción da Lingua e avanzou que a partir da vindeira semana comenzará a reunirse con colectivos e persoas vencelladas á actividade cultural. “Xa estamos a recibir propostas, sabemos que hai moitas iniciativas culturais funcionando na cidade e entendemos que temos que poñernos a traballar” sinalou Maite Ferreiro en engadiu “queremos recibir propostas e escoitar a todas as persoas que teñen cousas que decir no mundo da cultura, en Lugo son moitas”.

Maite Ferreiro destacou “o amplo espectro de actividades que emerxen no eido cultural no Concello de Lugo, queremos poñer o concello ao servizo de todas as persoas que participan na vida cultural o antes posible, por que sabemos que existen expectativas positivas”. Ferreiro indicou “temos obxectivos para a política cultura da cidade, e entre eses obxectivos está o de dar apoio a iniciativas que xa están funcionando e aquelas que se poden poñer en marcha, sempre dentro das posibilidades que teñamos”.

Ferreiro insistiu en que “as institucións teñen que estar ao servizo das iniciativas culturais e non ao revés” e afirmou “queremos recibir propostas e escoitar a todas as persoas que teñen cousas que dicir no mundo da cultura, en Lugo son moitas”. “Unha das primeiras tarefas que asumiremos dende a Área de Cultura será a organización dun San Froilán no que os colectivos, escolas entidades e artistas lucenses terán un papel protagonista”.

Podes ver este artigo na próxima dirección /articulo/novas/institucions-tenen-estar-ao-servizo-das-iniciativas-culturais-non-ao-reves-dixo-maite-ferreiro/20190620173956007303.html


© 2019 Comarca de Lugo Centro

Bloque Nacionalista Galego

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: +34981555850
Correo: sedenacional@bng.gal