Imprimir

A Mesa de Contratación reunirase o vindeiro martes para continuar a adxudicación do pintado da sinalización horizontal de Lugo

bnglugocentro | 22 de maio de 2020

Co pintado modificaranse os pasos de peóns para asegurar o tránsito de motos e bicicletas

Lugo, 22 de maio de 2020. O edil de Infraestruturas Urbanas, Alexandre Penas, indicou que a Mesa de Contratación reunirase o vindeiro martes para continuar co proceso para adxudicar a actuación de pintado da sinalización horizontal da cidade. Segundo declarou Alexandre Penas, “esta mesa de contratación tivo que retrasarse debido á crise sanitaria, mais co proceso de retorno á normalidade podemos retomar tamén esta actuación necesaria para Lugo”.

Na Mesa de Contratación deste martes, estudaranse os informes relativos ás baixas temerarias, que permitirá continuar co proceso na próxima Mesa de Contratación que se convoque.

A actuación realizarase en toda a cidade, a cal se dividiu en catro lotes “para que todo Lugo vaia recuperando a sinalización horizontal de maneira simultánea e homoxénea”, indicou Alexandre Penas, que engadiu “cada unha das empresas só poderá optar, como máximo, a dous destes lotes”. O edil de Infraestruturas explicou que “debido á magnitude da actuación, o proceso de revisión das ofertas foi máis complicado do habitual, e requiriu varias xuntanzas da Mesa de Contratación”.

Penas indicou que a actuación contempla o pintado de toda a sinalización horizontal da cidade, incluíndo as prazas de aparcamento para persoas con mobilidade reducida, e que se realizarán modificacións nos pasos de peóns “para asegurar o tránsito de motos e bicicletas”. Unha vez remate o proceso de adxudicación, as empresas terán un prazo de 4 meses para executar o pintado.

Podes ver este artigo na próxima dirección /articulo/novas/mesa-contratacion-reunirase-vindeiro-martes-adxudicar-pintado-da-sinalizacion-horizontal-lugo/20200522111643007970.html


© 2020 Comarca de Lugo Centro

Bloque Nacionalista Galego - Sede Nacional

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: 981555850
Correo: sedenacional@bng.gal

Bloque Nacionalista Galego - Sede comarcal 

Rúa Miguel de Cervantes, 34, 1º Entresollado
27003  Lugo (GALIZA)
Teléfono: 982280410
Correo: lugocentro@bng.gal