Imprimir

Olalla Rodil: “Co BNG gobernando a Xunta, haberá unha solución efectiva para as pallozas do Piornedo”

bnglugocentro | 20 de febreiro de 2020

Olalla Rodil xunto coa veciñanza
Olalla Rodil xunto coa veciñanza

A deputada do BNG visitou o Piornedo para coñecer, de primeira man, o estado de abandono que as políticas do Partido Popular provocaron

Rodil: “O Partido Popular eliminou as axudas que o IGVS tiña para o mantemento e rehabilitación deste tipo de construcións”

Lugo, 20 de febreiro de 2020. A deputada do BNG no parlamento de Galiza, Olalla Rodil, mantivo un encontro coa veciñanza do Piornedo para coñecer de primeira man o estado deste enclave dos Ancares. “O goberno do Partido Popular retirou as axudas que o Instituto Galego de Vivenda e Solo ofertaba para o mantemento e rehabilitación das construcións tradicionais, neste caso, as pallozas”, declarou Olalla Rodil.

“Cun goberno do BNG non habería dúbida á hora de dar unha solución á situación pola que están a pasar as pallozas do Piornedo”, afirmou Olalla Rodil, que engadiu “a partir do 5 de abril, dende o BNG traballaremos para dar solución ao estado de abandono ao que o goberno Popular levou ao rural galego”.


Olalla Rodil lembrou que “dende o BNG xa presentamos, en múltiples ocasións propostas para apoiar o mantemento e rehabilitación destas estruturas”. A parlamentaria do BNG sentenciou “sabemos que é un mantemento custoso, pero as institucións públicas deben preocuparse por manter en bo estado unha importante peza do nosos patrimonio, que xa foi declarado Ben de Interese Cultural”.

 

Podes ver este artigo na próxima dirección /articulo/novas/olalla-rodil-co-bng-gobernando-xunta-habera-solucion-efectiva-pallozas-do-piornedo/20200220134530007814.html


© 2020 Comarca de Lugo Centro

Bloque Nacionalista Galego - Sede Nacional

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: 981555850
Correo: sedenacional@bng.gal

Bloque Nacionalista Galego - Sede comarcal 

Rúa Miguel de Cervantes, 34, 1º Entresollado
27003  Lugo (GALIZA)
Teléfono: 982280410
Correo: lugocentro@bng.gal