Imprimir

Olalla Rodil “Galiza non precisa de ningún proxecto universitario privado ao servizo de Abanca”

bnglugocentro | 10 de xaneiro de 2020

Felipe Rivas, Maite Ferreiro e Olalla Rodil coa vicerreitora
Felipe Rivas, Maite Ferreiro e Olalla Rodil coa vicerreitora

A parlamentaria mantivo unha xuntaza coa Vicerreitora do Campus de Lugo, Montserrat Valcárcel, para falar sobre o proxecto de universidade privada de Abanca.

Lugo, 10 de xaneiro de 2020.  Olalla Rodil, portavoz parlamentaria de Educación do BNG no Parlamento Galego, acompañada por Maite Ferreiro e Felipe Rivas, concelleiros do BNG do Concello de Lugo, mantiveron unha xuntanza coa vicerreitora da USC en Lugo, Montserrat Valcárcel para achegar a postura do BNG diante do proceso da nova universidade privada Universidad Intercontinental de la Empresa presentado pola corporación bancaria Abanca, ante o impulso por parte do goberno do Partido Popular dunha lei para facilitar a súa apertura.

Nesta xuntanza o BNG presentou unha postura de rotundo apoio á universidade pública, onde a parlamentaria galega resaltou  que “Galiza non precisa de ningún proxecto universitario privado ao servizo de Abanca”.

A deputada nacionalista resaltou que a Xunta está minguando o sistema universitario galego ano tras ano, onde os recortes nesta última década ascenderon a 438 millóns de euros. “O proxecto e os ideais do BNG témolos claros, estaremos sempre coa defensa da universidade pública e non a favor dos intereses da banca” afirmou Rodil, que achegou a proposta do Bloque neste eido, que defende o incremento dos fondos de financiamento da universidade pública en 2020 e un novo plan de financiamento para o SUG. 

Podes ver este artigo na próxima dirección /articulo/novas/olalla-rodil-galiza-non-precisa-ningun-proxecto-universitario-privado-ao-servizo-abanca/20200110171019007675.html


© 2020 Comarca de Lugo Centro

Bloque Nacionalista Galego - Sede Nacional

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: 981555850
Correo: sedenacional@bng.gal

Bloque Nacionalista Galego - Sede comarcal 

Rúa Miguel de Cervantes, 34, 1º Entresollado
27003  Lugo (GALIZA)
Teléfono: 982280410
Correo: lugocentro@bng.gal