Imprimir

“Os recortes do Partido Popular precarizaron a situación do ensino no País”, afirmou Olalla Rodil

bnglugocentro | 11 de marzo de 2020

A candidata do BNG visitou Becerreá, que cualificou como “un claro exemplo da realidade do interior de Lugo” 

Para o BNG é urxente gañar en dereitos do profesorado do ensino público para garantir que sexa de calidade

Lugo, 11 de marzo de 2020. A candidata do BNG, Olalla Rodil, visitou no día de hoxe Becerreá, “un perfecto exemplo da realidade demográfica do interior e da montaña de Lugo”. Na visita, a candidata do BNG estivo acompañada por militantes do BNG da comarca. Olalla Rodil afirmou que “puidemos comprobar as consecuencias dos recortes que o PP leva 11 anos aplicando no ensino”. “O ensino na Galiza está nunha situación precaria debido ás políticas do Partido Popular”, declarou a candidata do BNG.

Segundo Olalla Rodil, “para o BNG é urxente recuperar o horario lectivo previo á reforma educativa do PP no 2012 para gañar en dereitos  do profesorado do ensino público para garantir que sexa de calidade”. A situación do ensino en moitos centros educativos vese deteriorada pola amortización de prazas, “o investimento máis urxente e preciso é en profesionais do ensino, que son o eslavón necesario para que o estudantado poida saír adiante nos centros do rural”.

“Pensando no rural e nas comarcas do interior do País, precisamos adaptar a oferta educativa, especialmente na Formación Profesional”, indicou Olalla Rodil, que engadiu,  “a oferta educativa debe adaptarse á realidade social, demográfica e económica das nosas comarcas”. “Só así poderemos garantir a fixación de poboación e a reactivación económica das nosas comarcas, para poder garantir o futuro”, sentenciou Olalla Rodil

Podes ver este artigo na próxima dirección /articulo/novas/recortes-do-partido-popular-precarizaron-situacion-do-ensino-pais-afirmou-olalla-rodil/20200311135720007867.html


© 2020 Comarca de Lugo Centro

Bloque Nacionalista Galego - Sede Nacional

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: 981555850
Correo: sedenacional@bng.gal

Bloque Nacionalista Galego - Sede comarcal 

Rúa Miguel de Cervantes, 34, 1º Entresollado
27003  Lugo (GALIZA)
Teléfono: 982280410
Correo: lugocentro@bng.gal