Imprimir

Rubén Arroxo anunciou as inversións dos remanentes do Plan Único de 2018

Director | 03 de setembro de 2019

Parte da inversión corresponde coa primeira parte do Plan de Seguridade Vial no entorno dos centros educativos

Lugo, 30 de xullo de 2019.  O Tenente de Alcalde, Rubén Arroxo, anunciou no día de hoxe que dende a Área de Mobilidade e Infraestruturas Urbanas se enviou ao servizo de contratación da proposta de inversión dos remanentes do Plan Único de 2018. Un total de 118.155,47€ que se destinarán á pavimentación de tres rúas da cidade e á posta en marcha da primeira fase, consistente en 9 pasos de cebra elevados, do plan de seguridade vial no entorno dos centros educativos.

 

Rubén Arroxo indicou que as rúas a pavimentar son o Camiño de Rosende e a Rúa Lumbrigante, no barrio da Abella, e a Rúa Pousadela na Cheda, ademais da creación de pasos de pasos de cebra elevados para garantir o acceso seguro aos seguintes centros de ensino:

  • CIFP As Mercedes, dous pasos na rúa Montirón,
  • CEIP Illa Verde, dous pasos na rúa Roi Xordo,
  • CEIP Rosalía de Castro, un paso na Rúa Galicia
  • IES Ollos Grandes e CEIP Anexa, catro pasos na Rúa Ramón Ferreiro

Ademais de mellorar a seguridade no acceso aos centros educativos, a colocación destes pasos de cebra elevados servirá para avanzar no calmado do tráfico nas zonas escolares. Arroxo sinalou que “traballamos para complementar as medidas que xa se están implantando dende a propia Dirección Xeral de Tráfico e que van encamiñadas a cidades con tráficos calmados e cun menor número de vehículos a motor circulando”.

Podes ver este artigo na próxima dirección /articulo/novas/ruben-arroxo-anunciou-inversions-remanentes-do-plan-unico-2018/20190903085603007357.html


© 2020 Comarca de Lugo Centro

Bloque Nacionalista Galego - Sede Nacional

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: 981555850
Correo: sedenacional@bng.gal

Bloque Nacionalista Galego - Sede comarcal 

Rúa Miguel de Cervantes, 34, 1º Entresollado
27003  Lugo (GALIZA)
Teléfono: 982280410
Correo: lugocentro@bng.gal