Imprimir

O BNG de Navia de Suarna impulsou medidas para o sector agrogandeiro e pemes

bnglugocentro | 29 de maio de 2020

Roberto Carballo, voceiro do BNG en Navia de Suarna
Roberto Carballo, voceiro do BNG en Navia de Suarna

Estas medidas tratan de estimular liñas de axuda municipal para aquelas empresas e explotacións que se viron afectadas pola crise sanitaria da COVID-19

Navia de Suarna, 29 de maio de 2020.- O voceiro do BNG en Navia de Suarna, Roberto Carballo, impulsou no pleno municipal celebrado esta semana, unha batería de medidas para abrir liñas de axuda municipal para aquelas pequenas e medianas empresas como as explotacións gandeiras que se viron afectadas pola crise da COVID-19.

O bloque naviego fixo fincapé en que o sector primario tamén ten que partir de axudas para facer fronte as consecuencias económicas, debido a gran baixada de prezos e a dificultade de recolocar esta produción no mercado. Deste xeito, garantindo a continuidade duns dos principais motores económicos de Navia de Suarna.

Roberto Carballo explicou “levamos ao pleno municipal estas medidas, as que cremos son fundamentais e precisas neste momento para Navia, o sector primario en Navia é primordial, é parte da nosa base económica, como tamén aqueles comercios e empresas que se viron afectadas nesta crise sanitaria”

Do mesmo xeito, o voceiro municipal resaltou a necesidade de abrir un tempo fortalecendo a economía como os servizos que posúe Navia, xa que a partir desta crise demostrouse que o rural é fundamental para a sociedade

“Navia como noutras partes rurais do país o que precisa é apoio institucional, esta crise sanitaria puxo en valor o seu potencial e as posibilidades que ten para ofrecer un modelo de vida máis saudábel, respectuoso co medio ambiente e sostíbel” sinalou o voceiro municipal.

Podes ver este artigo na próxima dirección /articulo/novas/bng-navia-suarna-impulsou-medidas-sector-agrogandeiro-pemes/20200529130012007998.html


© 2020 Comarca de Lugo Centro

Bloque Nacionalista Galego - Sede Nacional

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: 981555850
Correo: sedenacional@bng.gal

Bloque Nacionalista Galego - Sede comarcal 

Rúa Miguel de Cervantes, 34, 1º Entresollado
27003  Lugo (GALIZA)
Teléfono: 982280410
Correo: lugocentro@bng.gal