Imprimir

O BNG propón que se acometa un mantemento de elementos urbanos para que Lugo funcione

bnglugocentro | 28 de xaneiro de 2019

Os colectores de lixo da pza. da Soidade, a fonte do Carril dos Fornos ou a Iluminación do convento de Sto Domingo poderían funcionar e dar outra imaxe de Lugo

Lugo, 28 de xaneiro 2018. O BNG reclama do Concello que se atenda, con mantemento ordinario, todos aqueles elementos de xestión municipal que se atopan inutilizados ou con deficiente funcionamento. Rubén Arroxo sinalou que “o concello de Lugo precisa ter a alguén que se preocupe de certas cousas coas que tropezamos todos os días e vemos como seguen sen funcionar”. Os colectores de lixo da pza. da Soidade, a fonte do Carril dos Fornos ou a Iluminación do convento de Sto Domingo poderían funcionar e dar outra imaxe de Lugo.

Arroxo sinalou que “foron moitos os fondos públicos que se gastaron en implantar estes elementos na centro da cidade pero non se fixo mantemento dos mesmos e agora están inactivos e dando unha mala imaxe da cidade”. O voceiro do BNG, e candidato á alcaldía, explicou que “o concello conta cos medios para atender estas pequenas infraestruturas, pero non hai decisión política para facelo”.

“Estamos recibindo suxestións de moita xente a través da nova APP do BNG na que nos plantexan melloras para a cidade que son totalmente asumibles” explicou Rubén Arroxo e lembrou que “a pasada semana puxemos a funcionar unha aplicación para dispositivos móbiles que a veciñanza de Lugo xa está a utilizar para que facernos chegar queixas e propostas sobre a nosa cidade”. Arroxo anunciou unha campaña para promocionar a utilización das redes sociais e aplicación para móbiles do BNG de cara a “facer que Lugo funcione”.

Podes ver este artigo na próxima dirección /articulo/novas/bng-propon-acometa-mantemento-elementos-urbanos-lugo-funcione/20190128125308007015.html


© 2019 Comarca de Lugo Centro

Bloque Nacionalista Galego

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: +34981555850
Correo: sedenacional@bng.gal