Imprimir

Nos vindeiros días comezarán os traballos de reparación muro do CEIP Luís Pimentel

bnglugocentro | 16 de setembro de 2019

A actuación ten unha duración estimada dunha semana

Lugo, 10 de setembro de 2019.  O Concelleiro de Educación e Difusión do Coñecemento, Felipe Rivas, anunciou que durante os videiros días comezarán os traballos de reparación do muro do CEIP Luís Pimentel. Segundo Felipe Rivas, “as obras consistirán na substitución do muro que da á rúa Santo Graal”. “Xunto coa recente reforma da rúa, contribuirá a unha mellora estética do centro e do seu entorno”.

 

Esta actuación, que fora unha das propostas elexidas polos últimos orzamentos participativos, conta cun período de realización dunha semana e consistirá na demolición do actual muro, construíndo un similar ao existente no mesmo colexio do lado da rúa Gallego Tato. Para minimizar as molestias ás veciñas e veciños da zona, habilitarase un paso seguro para os peóns pola actual zona de estacionamento.

 

Con esta actuación, as áreas de Educación e Infraestruturas garanten as boas condicións do entorno do colexio público, mellorando tamén a calidade de vida e o benestar da veciñanza da contorna. Segundo o concelleiro de Educación, os centros escolares teñen que ter as atencións necesarias por parte do Concello

Podes ver este artigo na próxima dirección /articulo/novas/nos-vindeiros-dias-comezaran-traballos-reparacion-muro-do-ceip-luis-pimentel/20190916103151007424.html


© 2019 Comarca de Lugo Centro

Bloque Nacionalista Galego

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: +34981555850
Correo: sedenacional@bng.gal