Un 18% máis de turistas visitaron Lugo durante o ano 2019

Maite Ferreiro: “Durante 2020, coa campaña Lugo Km 100, agardamos continuar aumentando o número de visitantes”

Lugo continúa a posicionarse como destino de primeira orde dentro do chamado “turismo de interior”

Un 18% máis de turistas visitaron Lugo durante o ano 2019

Lugo, 07 de xaneiro de 2019. A edil de Cultura, Turismo e Promoción da Lingua, Maite Ferreiro, indicou que, durante o ano 2019, un total de 84.927 persoas se achegaron ás instalacións turísticas da cidade, “o que supón un aumento do 17% con respecto ao ano pasado”, indicou Maite Ferreiro. A oficina de Turismo atendeu a 44.408 persoas, un aumento do 4% con respecto ao 2018. Os museos dependentes da área de Cultura tamén aumentaron o número de visitantes, onde destaca a Casa dos Mosaicos que duplicou

“Neste novo ano, coa posta en marcha da campaña Lugo Km 100 e coa chegada do ano Xacobeo, agardamos continuar nesta dinámica e superar novamente a cifra de visitantes que se achegan ás instalacións municipais”, declarou Maite Ferreiro, que engadiu “estamos a traballar para poñer en valor Lugo como atractivo turístico de primeira orde dentro do chamado turismo de interior”.

“Lugo está a 100 Km exactos de Compostela, a distancia mínima para obter a Compostela”, indicou a edil de Cultura, que engadiu “un dos nosos obxectivos é atraer ás persoas que queiran facer o camiño por primeira vez escapando da masificación do Camiño Francés ou como punto de partida dunha nova ruta”.