NA XUNTANZA PARTICIPARON TAMÉN, IAGO SÚAREZ QUE É INTEGRANTE DA CANDIDATURA DO BNG AO PARLAMENTO GALEGO POR CHANTADA E O VOCEIRO DO BNG EN CHANTADA, ANDRÉ LABANDEIRA.

Olalla Rodil reuniuse, en Chantada, con representantes sindicais de HOTUSA e traballadoras do SAF

Olalla Rodil sinalou, nas vésperas do 8 de marzo, “trátase de mulleres que defenden os seus dereitos laborais
Olalla Rodil reuniuse, en Chantada, con representantes sindicais de HOTUSA e traballadoras do SAF

Chantada, 6 de marzo 2020.  A Parlamentaria do BNG por Lugo, Olalla Rodil, mantivo encontros en Chantada con representantes sindicais de HOTUSA e coas traballadoras do SAF. As traballadoras do Servizo de Axuda no Fogar que permanecen en folga para “defender este servizo público contra o intento de privatización iniciado polo goberno municipal”. Olalla Rodil sinalou, nas vésperas do 8 de marzo, “trátase de mulleres que defenden os seus dereitos laborais, unhas ante un alcalde que pretende privatizar un Servizo de Axuda no Fogar que ten que ser público. Outras defenden os seus dereitos e a súa dignidade ante terribles prácticas laborais dunha macroempresa”.

As representantes sindicais da empresa HOTUSA explicáronlle á candidata do BNG, Olalla Rodil, como se veñen sucedendo despidos de xeito continuado nesta empresa asentada en Chantada que, segundo Rodil, “é un exemplo da precariedade laboral encuberta, con salarios baixos e sen posibilidade de ascenso nin promoción profesional”. Olalla Rodil sinalou “trátase dunha empresa que factura máis de 1.000 millóns de euros anuais pero que non é capaz de retribuir suficientemente ás traballadoras e traballadores que ben moi mermados os seus dereitos laborais no día a día”. Na xuntanza participaron tamén, Iago Súarez que é integrante da candidatura do BNG ao Parlamento Galego por Chantada e o voceiro do BNG en Chantada, André Labandeira.