Imprimir

Olalla Rodil “Os Ancares posúe unha potencialidade brutal para o sector agrogandeiro, só falta vontade política”

bnglugocentro | 12 de xuño de 2020

O BNG destaca o papel das explotacións en extensivo e o fomento da produción local como factores clave deste sector estratéxico

A candidata visitou a cooperativa A Carqueixa nos Ancares

Lugo, 12 de xuño de 2020.- A deputada e candidata, Olalla Rodil estivo hoxe nos Ancares, xunto con integrantes da organización na comarca, visitando as explotacións pertencentes a cooperativa A Carqueixa, o que destaca o seu papel como un motor económico sustentábel e integrador, onde a produción en extensivo e local son chave para este sector.

Desde o BNG cremos que é necesario desenvolver outra política agraria que fomente iniciativas de produción en extensivo, fomentando o uso da pradaría, incentivando o desenvolvemento de explotacións apegadas ao territorio e dinamizadores do rural, construíndo así un modelo sustentábel e de futuro.

Olalla Rodil “desde o BNG cremos que explotacións como as da Carqueixa son aquelas que son referentes para o asentamento poboacional e a maneira que se garantan prezos xustos, onde a través de novas formas de mercados como a comercialización directa por internet ou outras canles garantan a vida nestes enclaves”

Neste sentido a nacionalista resaltou as potencialidades do sector agrogandeiro galego “Os Ancares teñen explotacións gandeiras cunha calidade  excepcional, hai que potencialo dándolle ferramentas” ao que sinalou “ dar servizos dignos como un acceso á internet, son xa fundamentais para o desenvolvemento económico”

Podes ver este artigo na próxima dirección /articulo/novas/olalla-rodil-ancares-posue-potencialidade-brutal-sector-agrogandeiro-so-falta-vontade-politica/20200612190151008052.html


© 2020 Comarca de Lugo Centro

Bloque Nacionalista Galego - Sede Nacional

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: 981555850
Correo: sedenacional@bng.gal

Bloque Nacionalista Galego - Sede comarcal 

Rúa Miguel de Cervantes, 34, 1º Entresollado
27003  Lugo (GALIZA)
Teléfono: 982280410
Correo: lugocentro@bng.gal