Samos, 17 de xaneiro de 2023.- A deputada e portavoz de Desenvolvemento rural no Parlamento galego do BNG, Carme Aira, estivo en Samos para comprobar de primeira man nunha explotación cabrún os efectos e danos que está a facer a rata toupa. Foi acompañada pola concelleira do BNG en Samos, María Jesús López e membros do BNG local.

A rata toupa é un animal propio da Montaña, mais a súa proliferación estase a dificultar debido á súa grande extensión por motivos relacionados co cambio climático, de xeito que se está a converter nunha praga. A Montaña é a gran prexudicada da expansión, máis de 1800 hectáreas, principalmente de pastizal, fican afectadas. Porén, as explotacións padecen grandes perdas á hora de desenvolver a súa actividade.

Por isto, o BNG trasladou ao Parlamento de Galiza unha batería de medidas para frear a expasión desta especie, nas que esixe á Xunta de Galiza aportar máis orzmento para o control, a intensificación de medidas técnicas, a renovación de pastizais ou aplicar liñas de axuda pola perda de forraxe, como tamén que o Ministerio de Agricultura, Pesca e Alimentación declare como praga a expasión deste animal na Montaña.

A deputada Carme Aira declarou “a rata toupa é un problema grave para as gandeiras e gandeiros da Montaña, exténdese sen parar, por isto desde o BNG impulsamos esta batería de medidas para pór control e minguar os problemas que está ocasionar”

Neste senso, Carme Aira salientou “precísase a implicación política para levar a cabo o freo desta especie, por isto tanto a Xunta como o Ministerio teñen que aplicar medidas para frear esta praga”