Lugo, 22 de xuño de 2026. A concelleira do BNG, Iria Buide, afirmou que a situación da escola Gregorio Sanz supón “un evidente cambio de criterio e falta de coherencia” por parte do persoal tras o anuncio do sindicato Comisións Obreiras sobre a climatización das instalacións da escola. A edil do BNG, responsábel da área de Educación e Difusión do Coñecemento, afirmou que "os mesmos sistemas que se van usar agora xa estaban listos para funcionar o verán pasado e non chegaron a poñerse en marcha porque o persoal da escola dixo que era inseguro para as nenas e nenos, aínda que estaban aprobados pola inspección educativa".

Neste sentido, a edil do BNG destacou que o orzamento municipal conta cunha partida de 24.000 euros co obxectivo de adaptar ou substituír o sistema por outro “que fose aceptado polo persoal do centro e garantise as mellores condicións para o alumnado e o profesorado”. Buide amosou a súa sorpresa ante o feito de que “o material que o ano pasado, co BNG gobernando, era considerado inseguro, agora se vai utilizar sen ningún tipo de problema”.

Buide lembrou que o orzamento municipal para Educación neste 2026 contaba con 70.000€ para a mellora dos edificios educativos municipais, ademáis de 24.000€ para a climatización da EIM Gregorio Sanz e 30.000€ para as alarmas dos CEIPs. O maior gasto da Concellería é o 1.062.696€ investidos nos comedores escolares, unha cifra relevante por ser un contrato que corresponde á Xunta de Galiza". O BNG segue reclamando que o goberno galego asuma esas competencias para que o Concello poida investir ese millón de euros en outro tipo de actividades.