Cosme Pombo tachou de electoralistas as inauguracións a contagotas do PP
O parlamentario do BNG sinalou que o tramo do corredor de Bóveda levaba tempo rematado e criticou que non se abre ata que Feijoo ten un día libre para vir cortar a cinta
Non deberían ter vergoña a aparecer por aquí, o 14 de xuño de 2010 xa veu anuncair que as obras do corredor rematarían antes de finais de 2011 sentenciou Pombo
Lugo, 6 de outubro de 2015. O parlamentario do BNG , Cosme Pombo, acusou ao partido popular de deseñar as estradas para dar servizo aos periodos preelectorais e non para dar servizo á xente. Pombo dixo que a este rítmo a vía de altas presetacións Lugo Monforte vai dar para catro ou cinco campañas electorais antes de que se remate. Pombo dixo que este tipo de inauguracións son electoralistas e fanse a contagotas para poder sacar fotos cada pouco tempo.
Pombo lembrou como o 14 de xuño de 2010 Feijoo visitou as obras para anunciar que as obras do corredor Lugo - Monforte estarían rematadas antes de finais de 2011 estamos a finais de 2015 e aínda queda moito por facer. Pombo sentenciou que non deberían ter vergoña a aparecer opr aquí e engadiu que naquel momento incluso se atreveu o, daquela, conselleiro, Agusítn Hernandez a afirmar que aquel mesmo día se abriran os sobres coa documentación técnica das 33 ofertas recibidas para redactar o proxecto do trazadodo desdobramento do corredor entre Nadela-Sarria, que saliiu a licitación, segundo el, no mes de abril de 2010.
O parlamentario do BNG sinalou que o tramo do corredor de Bóveda levaba tempo rematado e criticou que non se abre ata que Feijoo ten un día libre para vir cortar a cinta. Pombo dixo que non pode ser que axente vexa como as obras están rematadas, mais non se pode usar a infraestrutura que se paga cos nosos cartos ata que o político do PP ten un día libre para vir a facerse a foto.