Lugo, 10 de novembro de 2021. A concelleira de Cultura de Cultura, Turismo e Promoción da Lingua visitou a nova exposición do Vello Cárcere, que reúne pezas de madeira realizadas polo artista local Manuel López Liz.

Maite Ferreiro destacou a capacidade do Vello Cárcere e do resto de instalacións culturais de Lugo como “espazos para que as persoas que conforman o tecido cultural de Lugo poidan expoñer a súa obra a todas as veciñas e veciños”.

A exposición de Manuel López Liz consta dunha serie de pezas talladas en madeira de carballo e castiro, talladas e decoradas seguindoa técnica da pirografía.

A mostra poderá visitarse na primeira planta do Vello Cárcere ata o 10 de xaneiro de 2022.