“NESTE MOMENTO A BANDA MUNICIPAL DE MÚSICA ESTÁ SEN DIRECCIÓN A PESARES DE QUE EN FEBREIRO SE NOS DIXO QUE SOLO FALTABA UN PAPEL” EXPLICOU MAITE FERREIRO

O BNG-AA lamenta que a Banda de Música continúe sen dirección e preguntará se o vai ter para o San Froilán

IMG_8985
Imaxe de arquivo dunha xuntanza de ediles do BNG con integrantes da Banda Municipal de Música

O goberno municipal continua co desmantelamento dos servizos municipais, cultura perdeu a xefatura de servizo, a dirección da banda e recentemente houbo outra xubilación

O BNG-AA lamenta que a Banda de Música continúe sen dirección e preguntará se o vai ter para o San Froilán

Lugo, 25 de setembro de 2017. A edil do BNG-AA, Maite Ferreiro, lamentou que a Banda de Música chegue se director ás festas de San Froilán. “Neste momento a Banda Municipal de Música está sen dirección cando vai facer un ano da xubilación do anterior director” sinalou Maite Ferreiro. “Neste momento a Banda Municipal de Música está sen dirección a pesares de que en febreiro se nos dixo que solo faltaba un papel” explicou Maite Ferreiro que ironizou “parece que a edil de cultura segue buscando ese papel, mentres o que debería ser símbolo musical do concello segue sen dirección”.

Maite Ferreiro dixo que “a data de xubilación do Director da Banda era coñecida dende fai anos” e engadiu “está claro que para este goberno o as cuestións relacionadas coa cultura e, concretamente, a Banda de Música non son asunto prioritario”. A edil do BNG-AA pediu que “se axilicen os trámites para que a Banda de Música conte, no espazo de tempo máis curto posible, cun persoa ocupando a praza de dirección”. “Agardamos que os responsables do goberno municipal manteñan o interese pola Banda que este colectivo, revitalizado tras a creación da Escola Municipal de Música, se merece” afirmou Ferreiro.

A edil do BNG lembrou que “na comisión de cultura do mes de febreiro a responsable de cultura informou que comenzara os trámites para cubrir a praza de dirección da banda en xuño de 2016, pero a día de hoxe esta praza segue sen cubrirse” e para o BNG-AA “esto indica a falta de capacidade de xestión do goberno socialista que en máis dun ano son incapaces de cubrir unha praza tan significativa como esta”. A edil nacionalista dixo “queremos saber se esta situación se vai solventar para as festas patronais de Lugo ou se o goberno do PSOE vai continuar mirando para outro lado”.

Desmantelamento do servizo de cultura

O goberno municipal continua co desmantelamento dos servizos municipais, cultura perdeu a xefatura de servizo, a dirección da banda e recentemente houbo outra xubilación neste servizo e tampouco ten visos de que este posto de traballo sexa cuberto. Para o BNG-AA “a desfeita do servizo de cultura é evidente” e Maite Ferreiro destacou que “Basadre sempre se queixa da falta de persoal” polo tanto “ou é ninguneada polo resto do grupo socialista de goberno ou ten un importante problema de xestión”.

O BNG-AA lamenta que a Banda de Música continúe sen dirección e preguntará se o vai ter para o San Froilán