Lugo, 12 de abril 2017. Rubén Arroxo recibiu a preocupación de diferentes persoas pola falta de seguridade en diversas zonas do concello debido á excesiva velocidade de vehículos a motor. Arroxo puxo como exemplo o caso da estrada de Orbazai que é moi transitada por persoas que fan deporte ou saen a camiñar ademais do perigo que supón para as veciñas e veciños da zona cruzar a estrada. Arroxo dixo “hai zonas con moito transito de persoas como en Orbazai ou na Estrada Vella de Santiago, xunto ás instalacións deportivas, que precisan calmado de tráfico”.

A pesares das limitacións de velocidade e dos pasos de peóns é necesario un maior control en zonas nas que as persoas se ven en perigo pola elevada velocidade dalgúns vehículos. Outro dos puntos nos que se demanda este tipo de medidas é a Estrada Vella de Santiago, xunto das instalacións deportivas que hai na zona das Regas “recibimos queixas de persoas que se viron en perigo ao tentar incorporarse á estrada co seu vehículo pola falta de visibilidade e pola elevada velocidade dos coches que circulaban” informou Arroxo.