O Bloque Nacionalista Galego en Samos deu a coñecer a súa candidatura nunha cea-acto público no restaurante Aira Padrón da localidade

Contou coas intervencións da candidata do BNG á alcaldía de Samos, María Jesús López “Chus" e a  deputada por Lugo no Parlamento galego, Olalla Rodil

Chus López presentou as 12 persoas que integran a candidatura do BNG á alcaldía de Samos, e destacou “contamos cun equipazo, o que teño a ledicia de contar co seu apoio, o seu entusiasmo e cariño para facer de Samos unha referencia da vida no rural cando lideremos o vindeiro goberno municipal”

Deste xeito, a candidata nacionalista subliñou “imos a por todas, coa experiencia e a ilusión de acadar un concello máis xusto, é o momento de poñer ao fronte un proxecto que crea verdadeiramente nas potencialidades de Samos, que o impulse en positivo e o faga revitalizar”

Por conseguinte, Chus López salientou que o BNG “vai ser quen abra un novo camiño, cun proxecto centrado por e para a veciñanza, sen ningún xogo de cromos de por medio, coa honestidade, a coherencia e o rigor dunha organización política a que cada día se suma máis persoas, e que ten como principio traballar pola mellora da vida das galegas e galegos”

Candidatura do BNG en Samos:

1.- María Jesús López López

2.- José Manuel López Préstamo

3.- Nagari López López

4.- Alberto Santín González

5.- Ana María Cela Vázquez

6.- Félix Pérez Osorio

7.- Montserrat Gayoso García

8.- Emilio López López

9.- María Inés Vázquez Prado

Suplentes:

Manuel Celeiro Álvarez

Divina Veiga Ingerto

Jesús Santiago Pumarega González