Os primeiros 10 anos da Letra das Festas dan forma ao 18º San Froilán dos Devanceiros

Maite Ferreiro presentou xunto con Lois Pérez e Antonio Reigosa a nova edición da publicación anual das festas do San Froilán

Os primeiros 10 anos da Letra das Festas dan forma ao 18º San Froilán dos Devanceiros

Lugo, 07 de outubro de 2021.  O Vello Cárcere acolleu esta tarde a presentación do 18 volume do San Froilán dos Devanceiros, a publicación anual que a área de Cultura achega á veciñanza en cada edición do San Froilán e que este ano ten por título Letra das Festas 2011-2020. A revista oral do San Froilán.

 

A edil de Cultura estivo acompañada por Lois Pérez e Antonio Reigosa, os escritores deste volume da colección que resume as historias e anécdotas das distintas persoas que participaron na actividade anual da Asociación de Escritoras e Escritores en Lingua Galega.

 

"Todas as persoas que asistiron ou participaron nalgunha edición da Letra das Festas poderán volver lembrar neste libro os distintos actos, e as persoas que nunca puideron asistir terán a oportunidade de desfrutar dunha selección historias que lles permitirán ver o San Froilán desde distintos puntos de vista", explicou Maite Ferreiro.

 

 

A edil de Cultura afirmou que "a Letra das Festas é unha cita consolidada no calendario do San Froilán e este ano pasa a formar parte da historia escrita da gran festa do outono galego con este novo volume do San Froilán dos Devanceiros".

Os primeiros 10 anos da Letra das Festas dan forma ao 18º San Froilán dos Devanceiros