Rubén Arroxo dixo que “cada vez está máis claro que nin PP, nin PSOE, teñen vontade que Lugo conte con zona pública de baño”

O BNG-AA presentará unha pregunta formal para saber por que o Concello non presentou, no seu momento, o informe de impacto ambiental para a zona pública de baño

Lugo, 3 de agosto 2016. O voceiro do BNG-AA no concello de Lugo, Rubén Arroxo, anunciou que o grupo que representa presentará unha pregunta formal dirixida á alcaldesa para que esta explique “as razón polas que, no seu momento, o concello non presentou o informe de impacto ambiental que foi requerido dende a Confederación Hidrográfica”. Arroxo engadiu que “naquel momento, quen hoxe ostenta a alcaldía, tamén tiña un cargo de responsabilidade na Deputación de Lugo e saberá por que a Deputación tampouco remitiou este informe tal e como lle foi requerido”.

Para Rubén Arroxo “vistas as última declaracións da alcadesa relativas a este asunto, queda claro que o goberno municipal non ten intención de asumir nin executar un proxecto tan necesario para Lugo como é a zona pública de baño” e engadiu que “algún día os lucenses teremos que saber cales son intereses que antepoñen PSOE e PP para non querer que o río sexa de todas as persoas que vivimos en Lugo”.

“O BNG realizou en menos de 10 días trámites que o Concello e a Deputación non foron capaces de realizar en 7 anos” remarcou Arroxo e engadiu “parece que esto é o que de verdade molesta por que pon de manifesto a incapacidade ou inoperatividade de quen agora nos chama popolistas”. Arroxo advertiu que “O BNG vai seguir adiante e levará ás últimas consecuencias este asunto para destapar os verdadeiros intereses de quen goberna en Lugo”.

Arroxo rexistrou, en nome do BNG-AA, unha solicitude o 20 de xullo que foi respostada pola Confederación o 26 do mesmo mes e o día 1 de agosto Rubén Arroxo entregou a documentación requirida. Arroxo lembrou como nin a Deputación nin no concello deron resposta, no seu momento, aos requirimentos emitidos pola Confederación Hidrográfica o que provocou a paralización do expedente no que se tramitaban os permisos para a creación da zona pública de baño na zona de As Saamasas.