O BNG LEVOU AO PARLAMENTO GALEGO O ERTE DE CEMENTOS OURAL

O BNG LEVOU AO PARLAMENTO GALEGO O ERTE DE CEMENTOS OURAL

A factoría de Oural podería perder os dereitos de produción no ano 2014 se non se pon fin a esta situación

Para o BNG é fundamental preservar a única fábrica de cemento existente na Galiza

SANTIAGO, 13 de novembro de 2013. Cosme Pombo, en representación do BNG, levou ao Parlamento Galego unha batería de preguntas sobre a actúal situación da factoría de cementos de Oural. Os nacionalistas dirixíronse por segunda vez, en sede parlamentaria, ao Conselleiro de Industria para solicitarlle a súa implicación no mantemento da única cementeira existente en Galiza. Nesta ocasión Cosme Pombo dirixiuse a conselleiro por mor da aplicación do novo ERTE de extinción que pretende deixar sen emprego aos 21 traballadores que actualmente mantén a empresa na factoría de Oural e implicaría o peche da mesma.

O BNG entende que “a Xunta de Galiza ten que evitar o despido destes últimos 21 traballadores e garantir a continuación da actividade na factoría que Cementos Cosmos S.A. ten en Oural (Sarria)”. O Grupo Parlamentar do BNG, por considerar fundamental o mantemento da actividade da Fábrica de Oural, reclamou da Xunta de Galiza actuacións urxentes para garantiren a continuidade da mesma e o seu nivel de produción máxima para poder seguir amparando os postos de traballo.

O parlamentario do BNG, Cosme Pombo, lembroulle ao conselleiro que “a empresa presentou un ERTE o día 6 de novembro, por falla de suministro de caliza e esta a falla de subministro veu provocada pola orden de paralización dos traballos da Canteira de Vilavella ditada pola alcaldesa de Triacastrela”. Para Cosme Pombo “o PP ten na súa man desbloquear esta situación ben dende o goberno da Xunta, ben dende o concello de Triacastrela”.

O BNG pulará, segundo Cosme Pombo, pola retirada do ERTE por entender que significaría o peche definitivo da fábrica CEMENTOS COSMOS. Os 21 traballadores afectados polo ERTE serían despedidos até o 31 de Xaneiro de 2015. Para o BNG esta situación representa unha lesión grave para os dereitos socio-laborais dos traballadores.

Perda do dereito a producir no ano 2014.

O BNG urxe á Xunta de Galiza a buscar unha saída a esta situación dado que, segundo explicou Cosme Pombo, si non se pon en funcionamento a empresa, si non se moe caliza e clinquer, si non se produce unha cantidade de cemento necesaria a empresa perderá o dereito a producir no 2014. Unha parada deste tipo implica o deterioro da maquinaria e as infraestructuras de producción do Única Cementeira "Galega" que queda por salvar. Poderanse perder os dereitos de emisións, previstos no protocolo de Kioto, e poderase perder o dereito a producir da propia factoría. Poderase perder o dereito a interrumpibilidade (dereito a unha enerxía eléctrica co precio máis competitivo). Poderase perder o dereito a producir Cemento Galego coa Caliza de Triacastela.

O BNG LEVOU AO PARLAMENTO GALEGO O ERTE DE CEMENTOS OURAL