Lugo, 02 de abril de 2025. No Vello Cárcere celebrouse a presentación do número 91 da revista galega de educación, que leva por título "Comunidade e participación das infancias", e do libro "Realidades e Horizontes da Educación en Galicia". O envento foi presentando pola Edil reponsabel de Educación e Difusión do Coñecemento do Concello de Lugo, Iria Buide, e modereado polo mestre e integrante de Nova Escola Galega, Santiago Quiroga. No acto tamén estiverón participando os autores do libro  "Realidades e Horizontes da Educación en Galicia" Xesús Rodríguez, catedrático da USC, e Antón Costa, catedrático da historia da educación. Ana Parada e María Barba foron as encargadas da presentación da revista galega de educación.

A Revista Galega de Educación comezou a editarse en 1986 cunha periodicidade trimestral, promovida por Nova Escola Galega e editada por Edicións Xerais de Galicia. A finais de 1988 chegaba aos 450 subscritores/as, cunha difusión de 700 exemplares en cada número, lograda a través dos servizos comerciais de Edicións Xerais de Galicia e dos impulsos da Asociación.

Realidades e horizontes da educación en Galicia quere ofrecer unha mirada panorámica sobre cuestións fundamentais do desenvolvemento educativo en Galicia. Cuestións abordadas, porén, con algunha profundidade e de xeito especializado. Quere ser tamén unha homenaxe á traxectoria docente e investigadora do profesor Antón Costa Rico, quen ao longo de máis de catro décadas asumiu un relevante papel na docencia universitaria e na xestión institucional.