Friol, 23 de marzo de 2025 .-A deputada no parlamento galego do BNG, Montse Valcárcel, e diversos membros da organización en Friol visitaron a 31 edición da feira do queixo e pan de Ousá. Montse Valcarcel declarou "a Feira do Queixo de Friol e o Pan de Ousá é unha boa mostra do que Friol é capaz de conquistar, as potencialidades e as oportunidades para desenvolver proxectos de transformación do sector primario son tantas que non podemos deixar que nolas arrebanten".

Valcárcel recordou o éxito da manifestación celebrada na Pobra do Caramiñal "cunha sociedade que rexeita unha macrocelulosa que non queren en Portugal pero o goberno galego lle pon alfombra vermella" fixo fincapé na hipocresía do PP "que por un lado celebra feiras de exaltación do rural e dos seus productos e ao mesmo tempo vai instalar unha "bomba ambiental" que por suposto afectara a Friol e á súa producción agrogandeira".

Neste senso, a deputada nacionalista salientou "para que este pais siga medrando temos que seguir apostando polo noso, desde o BNG defendemos a necesidade de recuperar as terras para poñelas a producir, mais tamén, ordenar o noso monte" e incidiu "non podemos deixar de lado a nosa soberanía alimentar e o apoio a xente moza para dar continuidade nos proxectos ligados á actividade agro-gandeira".

Por outra banda, Montse Valcarcel felicitou a todas e todos os produtores que están a traballar cada día para que Friol sexa unha referencia na produción alimentaria de calidade "é un orgullo que nos concellos do noso país haxa xente que transforma o que a terra nós dá,e que continuen co compromiso de producir aquí, e amosar que a tradición, o amor polo propio e bo facer son as chaves dunha sociedade que avanza".

Tamén aproveitou a visita para saúdar á veciñanza de Vilalvite que estaban a mostrar e informar sobre a súa preocupación pola contaminación que pode producir nos acuiferos a instalación dunha granxa de porcos na súa parroquia. " esa parroquia atopase nunha zona onde a capa freática é moi alta e é máis sensíbel á contaminación", explicou Montse Valcarcel.