Lugo, 23 de marzo de 2025. A concelleirÍa de Participación e Servizos á Veciñanza ofreceu unha nova iniciativa cultural que se integra na Programación de Primavera do Cemiterio de San Froilán. O Grupo de teatro Achádego realizará unha serie de visitas teatralizadas en diferentes xornadas, rememorando a vida e legado de persoeiros destacados da cidade.

A sesión celebrada centrouse nas mulleres relevantes que deixaron unha marca imborrable na sociedade lucense. O Grupo de teatro Achádego, coa súa interpretación, reviviu as historias destas figuras femininas que contribuíron significativamente ao desenvolvemento cultural e social da cidade.

Cristina López asegurou que  "demos a coñecer as mulleres máis senlleiras que están neste cemiterio e que tiveron importancia para a historia de Lugo" e convida ás veciñas e veciños "a participar nesta iniciativa cultural que busca rescatar a memoria da cidade", e afirmou que as visitas teatralizadas ao Cemiterio son "oportunidades únicas para coñecer o noso pasado nunha instalación referencial de Lugo".