Lugo, 30 de setembro de 2022. A concelleira de Cultura, Turismo e Promoción da Lingua, Maite Ferreiro, anunciou que o novo libro da colección O San Froilán dos Devanceiros  se presentará o vindeiro luns, 3 de outubro, a partir das 18:00 no Auditorio do Vello Cárcere.

O novo libro, titulado 81 anos de cine en Lugo, é froito da recompilación realizada por Manuel Curiel, fundador do grupo fotocinematográfico Fonmiñá, sobre a historia do cine en Lugo. O libro recolle aquelas películas que se estrearon en Lugo nos últimos  oitenta e un anos no Domingo das Mozas pero tamén nos leva de viaxe polo tempo.

O acto de presentación será de acceso libre até completar o aforo da sala, e o libro poderá conseguirse ese mesmo día na presentación, ou a partir do martes na casa do concello de Lugo.