Lugo, 20 de marzo de 2022. O Tenente Alcalde, Rubén Arroxo, xunto co concelleiro de Infraestruturas Urbanas, Alexandre Penas, e persoal municipal visitaron a rúa Pintor Corredoira, onde están a continuar os traballos do plan de calmado de tráfico da área de Mobilidade do Concello de Lugo.  Alexandre Penas destacou a importancia da actuación da rúa Pintor Corredoira, dado que se instalan elementos de calmado do tráfico “nunha zona na que coincide a saída dun centro educativo cunha importante instalación deportiva da cidade”.

Esta fase do plan de calmado de tráfico incluíu tamén a instalación de pasos de peóns elevados e lombos na Rolda de Fingoi, Estrada da Granxa, Río Sil e na Avenida de Madrid.

O concelleiro de Infraestruturas explicou que o plan de calmado de tráfico do Goberno de Lugo busca "aumentar a seguridade da veciñanza de toda a cidade, contando cun tráfico calmado e convertendo ao peón no centro da mobilidade". Alexandre Penas destacou "a importancia das actuacións de calmado de tráfico, que viñemos executando primeiro nas zonas escolares, e que agora continuamos a ampliar en novas zonas da cidade".