Cervantes, 29 de Outubro de 2024.- O Bloque Nacionalista Galego a través da súa deputada no Parlamento Galego, Olalla Rodil, denuncia unha vez máis as mentiras do PP e da Consellaría de Sanidade pois volveron deixar ao consultorio de Doiras sen médico sen previo aviso.

A veciñanza de Doiras deixou de manifesto o seu descontento polas mentiras do PP en multiples ocasións, e unha vez mais ve como lle toman o pelo, "solicitouselle á conselleira a reposición a tempo completo da praza de médico e fixo o que lle pareceu" explica a deputada. É o segundo día que se atopan sen médico no consultorio e sen aviso anterior para poder organizarse, "que desprazarse nos Ancares non é o mesmo que nunha cidade, teñen 20 km a través de estradas de montaña", expón a deputada. As persoas maiores precisan organización para desprazarse xa que "ou ven teñen que contar con familiares ou con outros veciños e chegan ao centro de saúde e teñen que dar volta esto é moi pouco serio por parte da Consellaría de Sanidade", denuncia Rodil.

As veciñas e os veciños de Doiras deixaron claro que van seguir a pelexando para que se manteña este servizo en Doiras porque a sanidade é algo urxente e importante para manter poboación nesta zona da montaña lucense.

Dende o BNG demandamos un compromiso coa veciñanza de reapertura deste consultorio xa, tal é como mantivo o PP a principios de xullo pois defendemos a sanidade pública de todo o país especialmente o da zona da montaña lucense pois supón unha merma na calidade asistencial dos concellos da montaña nunha zona xeográficamente moi extensa e na que as distancias se multiplican por razóns orográficas, "seguiremos apoiando á veciñanza e levando esta cuestión ao Parlamento Galego porque é un dereito fundamental poder a asistencia sanitaria preto do teu domicilio, porque é de xustiza social e é un dereito fundamental que non nos poden roubar", concluíu Olalla Rodil.