Lugo, 04 de febreiro de 2023. O BNG de Lugo publicará unha serie de vídeos sobre o traballo realizado polo seu grupo municipal como parte do goberno Municipal. Os vídeos contan con imaxes do antes e despois das actuacións impulsadas polas áreas de goberno que ostentan o concelleiros e concelleiras nacionalistas.

Inclúense imaxes previas e posteriores ás diferentes peonalizacións feitas en diversas rúas da cidade. Tamén se sinalan actuacións feitas no diferentes barrios e no centro da cidade. Os cambios da rúa Quiroga Ballesteros, a Mosqueira ou a Rolda da Muralla son as principais mostras do avance da cidade executado nos últimos anos polo BNG.

Rubén Arroxo, portavoz do BNG e candidato á Alcaldía de Lugo vinculou estes vídeos cos preto de de 40.000 exemplares en papel do boletín informativo editado polo BNG de Lugo, que da conta da actividade feita dende o goberno municipal de Lugo. "A información deber achegarse a todos os veciños e veciñas para informar da labor que están a facer os grupos políticos ao frente da corporación" dixo Rubén Arroxo.

Os vídeos publicaranse nas redes sociais do BNG de Lugo e nos perfís de Rubén Arroxo. 

Enlace primeiro vídeo: https://youtu.be/VUR2GpbVaXA