Vilalba, 14 de xullo 2022.- O Bloque Nacionalista Galego en Vilalba presentou unha proposta ante o Concello de Vilalba para pór en marcha un servizo de normalización lingüística. Vilalba carece deste servizo municipal o que é básico para estimular e ofrecer un soporte técnico á extensión do uso da lingua galega.

Na actualidade, moitas das comunicacións oficiais do Concello só se emiten en castelán, exercendo unha discriminación directa á veciñanza a seren atendidos en galego. Ao que tamén, supón o incumprimento da Lei de Normalización Lingüística.

A responsábel local do BNG en Vilalba, Mónica García, declarou “existe un total deslexio polo goberno municipal ante a nosa lingua, ao non existir este servizo e unha ordenanza para afianzar os dereitos linguísticos”

Neste senso, Mónica García fixo fincapé no papel do servizo de normalización “cómpre pór en marcha este servizo para poder traballar socialmente a prol da nosa lingua, e así, gañar máis falantes e afortalar o noso idioma”