Lugo, 17 de xaneiro de 2023. A concelleira de Participación, Cristina López, saíu ao paso das declaracións da candidata do PP sobre a cita previa no rexistro municipal. Cristina López afirmou que “a candidata do PP promete cousas para a veciñanza de Lugo que o goberno da Xunta non cumpre”, en referencia á necesidade de solicitar cita previa nas oficinas de rexistro da Xunta de Galiza.

“Hoxe pola mañá, a veciñanza de Lugo podía pedir cita no rexistro municipal para recibir atención no mesmo día”, explicou a edil responsábel do Rexistro Municipal, que engadiu “as persoas con cita que finalmente non poidan acudir teñen a opción de anular a cita e o persoal do Concello de Lugo atende ás cuestións urxentes aínda que non haxa horas libres na plataforma”.

A concelleira criticou que “ante a falta de proxecto de cidade do PP, a súa candidata está a confundir á veciñanza utilizando a mentira sobre o rexistro municipal sen fixarse no da Xunta, onde goberna o PP”, e engadiu “ela debería sabelo, dado que é habitual a súa presencia na sede da xunta en Lugo”.