Lugo, 25 de marzo de 2025. A concelleira de Participación e Servizos para a Veciñanza, Cristina López, mantivo un encontro coa asociación veciñal da praza da Illas, onde reafirmou o seu compromiso para "ampliar o alcance das actividades organizadas anualmente a través das asociacións veciñais". López destacou a implicación da Tenencia de Alcaldía co tecido asociativo "colaborando en distintas iniciativas, tanto cos cursos que se ofertan desde a área de Participación como coas distintas festas parroquiais, que contan co apoio da área de Cultura".

Cristina López escoitou as necesidades desta asociación, "continuando cun dos principais eixos de traballo que executamos desde a Tenencia de Alcaldía, o contacto constante coa veciñanza e a visita aos distintos barrios para coñecer as necesidades directamente por parte das veciñas e veciños".

López afirmou que o goberno atenderá ás propostas e solicitudes presentadas tanto polo tecido asociativo como pola veciñanza de Lugo. "Traballamos para seguir mellorando a cidade", afirmou, e engadiu "desde o Goberno estudamos todas as propostas traballando sempre para mellorar os espazos públicos de Lugo".