O Bloque Nacionalista Galego en Castroverde deu a coñecer a súa candidatura nun acto público, o que contou coas intervencións da candidata do BNG á alcaldía de Castroverde, Iria Castro, a vicepresidenta da Deputación de Lugo, Maite Ferreiro e a deputada por Lugo no Parlamento galego, Carme Aira.

Iria Castro deu conta das 12 persoas que integran a candidatura nacionalista, a que destacou “este equipo que lidero vai a por todas, un equipo unido con experiencia e valentía, e gran coñecedor do concello, por isto, saímos con todas as gañas de poñernos ao servizo da veciñanza e facer todo o posíbel para revitalizar Castroverde”

Do mesmo modo, a candidata nacionalista subliñou “contamos con proxecto e toda a ilusión de facer posíbel un Castroverde vivo, transparente e desenvolvido, no que coas nosas potencialidades somos capaces de xerar riqueza e emprego digno”

Ademais, Iria Castro destacou que a candidatura do BNG “está preparada para liderar o vindeiro goberno municipal, somos a única alternativa política rigorosa e capaz de desenvolver un traballo positivo con propostas, alternativas e solucións para mellorar a vida da nosa veciñanza”

Candidatura do BNG en Castroverde:

1.- Iria Castro Fernández

2.- María Cando Mouriz

3.- Gutier Ferreiro Fernández

4.- Laura Arrojo Regera

5.- Pablo González Pérez

6.- María Luisa Álvarez Fouz

7.- Juan Carlos Muñiz Besteiro

8.- María Yolanda Carpintero González

9.- José Luís Souto Carrera

10.- Natalia Penelo Díaz

11.- José Gómez Fernández

Suplentes:

Enrique López Sánchez