Maite Ferreiro asiste á xuntanza do claustro da escola de música, que vén de escoller nova directiva

A edil de Cultura afirmou que "desde o Concello de Lugo traballamos para garantir as mellores condicións na  Escola de Música"

A nova directiva encargarase da xestión da Escola de Música mentres desde a concellería de Persoal se continúa coa cobertura da praza de dirección

Maite Ferreiro asiste á xuntanza do claustro da escola de música, que vén de escoller nova directiva

Lugo, 20 de xullo de 2022. A concelleira de Cultura, Turismo e Promoción da Lingua, Maite Ferreiro, visitou a Escola Municipal de Música, onde o claustro vén de escoller unha nova directiva. Maite Ferreiro deu a benvida á nova directiva eleita polas profesoras e profesores da Escola, e afirmou que “hoxe damos un paso máis para recuperar a normalidade da nosa Escola Municipal de Música”

A directiva escollida hoxe encargarase da xestión da Escola de Música, “mantendo actividades xa consolidadas como as audicións nas rúas das distintas agrupacións da Banda”, afirmou a concelleira de Cultura. A nova directiva realizará estas tarefas mentres a concellería de Persoal continúa co procedemento para dar cobertura definitiva á praza de dirección.

Na Escola de Música prestan servizo todo o persoal que forma parte da Escola de Musica, facilitando á veciñanza a aprendizaxe de instrumentos e linguaxe musical de maneira accesible.

Maite Ferreiro destacou “a implicación das integrantes da Escola Municipal de Música durante todo este proceso para manter vivo un servizo público ás veciñas e veciños de Lugo a pesares de todas as dificultades”. 

Maite Ferreiro asiste á xuntanza do claustro da escola de música, que vén de escoller nova directiva